Dinamo e Kievit eliminoi Fenerbahce në raundin e dytë të Champions League, duke vazhduar përpara drejt kualifikimit në grupe, që është edhe objektivi kryesor.
Skuadra ukrainese fitoi 1-2 në Stamboll dhe kaloi në raundin e tretë pasi kishte barazuar 0-0 sfidën e parë. Tifozët turq e përjetuan keq eliminimin e ekipit të zemrës.
Ata filluan të thërrisnin në kor Vladimir Putin, emër që shkakton neveri, dhimbje dhe urrejtje në kampin kundërshtar. Trajneri i Dinamos ka protestuar për këtë veprim të tifozëve turq.
I mirënjohuri Mircea Lucescu vendosi të mos merrte pjesë në konferencën e zakonshme për mediet që zhvillohet pas ndeshjes. Ai nuk toleroi thumbimet e një pjese të tifozerisë së Fenerbahces duke zgjedhur të braktisë pjesëmarrjen në prononcimin për shtypin.
Ndërkohë komentoi shkurt ngjarjen e ndodhur për mediet ukrainase: “Nuk i prisja kore të tilla, ky është një turp i madh! Ishte një ndeshje e mirë midis dy ekipeve të forta. Jam i lumtur që djemtë e mi e ruajtën gjendjen fizike deri në fund. E merituam kualifikimin”.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
