Tyson Fury deklaroi pas fitores së titullit në peshën e rëndë në WBC ndaj Dillian Whyte në Wembley se do të tërhiqet nga boksi. “The Gypsy King” ofroi një performancë madhështore për të mposhtur britanikun Dillian Whyte në një duel tërheqës para 94 000 shikuesve.
“Ju e dini, i kam premtuar gruas sime, Paris, që pas përballjes së trefishtë me Wilder do të tërhiqesha. Ishte një trilogji e shkëlqyeshme. Më ftuan të luftoja në Wembley, në shtëpi, dhe besoj se ua kam borxh tifozëve, çdo personi në Mbretërinë e Bashkuar për të luftuar në Wembley. Mendoj se kjo mund të jetë e fundit për “The Gypsy King”. Çfarë mënyrë për t’u tërhequr!”
