Shqipëria U-17 e drejtuar nga Elvin Beqiri u mposht edhe në sfidën e dytë ndaj Ukrainës në Grupin 8 në raundin kualifikues të Europianit, duke humbur çdo mundësi për të shkuar në “Elite Round”. Kuqezinjtë e vegjël arritën të rezistonin pa pësuar në pjesën e parë, por u ndëshkuan në të dytën me golat e Shostak (57’) dhe Mampasi (86’).
Me zero pikë në dy ndeshje (edhe Portugalia na mposhti 4-0), kuqezinjtë e vegjël maksimumi mund ta mbyllin në vendin e tretë, nëse mposhtin Gjeorgjinë në takimin e tretë në grup.
Statistikat e sfidës me Ukrainën tregojnë dominimin e kundërshtarëve të Shqipërisë, që kanë goditur plot 18 herë drejt portës, kundrejt një mundësie të 17-vjeçarëve tanë.
