Kombëtarja shqiptare e futbollit U-17 e drejtuar nga trajneri Dzemal Mustedanagic, ka humbur në ndeshjen e parë miqësore ndaj përfaqësueses U-17 të Bosnjë Hercegovinës, zhvilluar në stadiumin “Roza Haxhiu” të qytetit të Lushnjës.
Golin e vetëm të shënuar nga Bosnja Hercegovina e realizoi futbollisti Mujkanovic në minutën e 53-të.
Shqipëria luajti me këtë formacion përballë boshnjakëve: Molla (53’ Ceka), Shehu, Smajlaj (65’ Smajlaj), Zaimi (65’ Arkaxhiu), Doda, Sulovari (75’ Papa), Stafa (48’ Altindag), Gjini (53’ Hoxha), Cehani (48’ Kotrri), Biseni (75’ Treni), Doko (65’ Dajku).
Përballja e dytë miqësore do të zhvillohet sërish në qytetin e Lushnjës, në stadiumin “Roza Haxhiu” në datën 29 qershor 2018, ora 17:00, ku hyrja për tifozët do të jetë falas.