Shqipëria U-18, e drejtuar nga trajneri Olsi Uku, është mundur me rezultatin 2-0 nga bashkëmoshatarët e Rumanisë në ndeshjen e parë e parë miqësore të zhvilluar ditën e sotme në Qendrën Stërvitore të Federatës Rumune të Futbollit.
Kuqezinjtë e kanë nisur shumë keq ndeshjen, duke u ndëshkuar me dy gola të shpejtë në minutat 6′ dhe 10′. Të dy gola kanë ardhur si pasojë e mospërqendrimit të mbrojtjes, e cila që është befasuar nga një veprim individual në golin e parë dhe një goditje me kokë brenda zonës së vogël në të dytin. Gradualisht skuadra e trajnerit Uku e ka ekuilibruar lojën, duke ju afruar dhe portës kundërshtare në disa momente, por pa arritur të gjente rrugën e rrjetës.
Të enjten, më datë 15 gusht, do të zhvillohet dhe ndeshja e dytë miqësore po ndaj Rumanisë në Buftea.
