Katër ndeshje në Serinë A, një në Europa League: 76 minuta në kampionat, 82 në kupë. Zero gola. Këta janë numrat e modestë të Mario Mandzukicit me Milanit. Mbërriti te “Djalli” në merkaton e janarit për t’i shtuar centimetra, forcë, përvojë dhe gola një skuadre ende të angazhuar në atë kohë në tre fronte, por aktivizimi i sulmuesit kroat u kushtëzua nga problemet fizike.
Jashtë skuadrës që nga mesi i shkurtit, Mandzukic u bashkua sërish me futbollistët kuqezi në stërvitje vetëm në fillim të prillit. Për këtë arsye ai ka hequr dorë nga paga e muajit mars.
“Një gjest i jashtëzakonshëm,” – komentoi presidenti i Milanit, Paolo Scaroni, “që demonstron etikën dhe profesionalizmin e Mario Mandzukic dhe respektin e tij për Milanin.”
