Denzel Dumfries frikësoi jo pak trajnerin e Holandës Louis Van Gaal, teksa pësoi një dëmtim në ndeshjen e fundit të Interit atë ndaj Atalantës në transfertë. Mbrojtësi i krahut të djathtë pati probleme me gjurin megjithatë testet qartësuan situatën dhe për fat të mirë, Dumfries nuk vuan asgjë serioze.
Së fundmi, vetë 26-vjeçari qetësoi kombëtaren “Tulipane” teksa theksoi se shkon në Katar pas më të voglin shqetësim.
“Unë nuk kam asnjë shqetësim, do të jem me patjetër në Kupën e Botës. Mund të luaj titullar që në ndeshjen e parë të kombëtares ndaj Senegalit. Kur u dëmtova ndjeva një ngurtësim të gjurit dhe u frikësova, por për fat të mirë bëhej fjalë për thjesht një muskul. Dhimbja kaloi që atë ditë dhe tashmë ndjehem në formën e duhur, jam gati”, u shpreh Dumfries.