Duhej të ishte një festë normale mes miqsh, por për Alejandro Peñaranda Trujillo përfundoi tragjikisht. 24-vjeçari sulmues i Cortuluà, skuadër që militon në kategorinë e dytë në Kolumbi, humbi jetën pasi u godit me disa plumba në shtëpinë e disa miqve të tij. Autoritetet kolumbiane po e hetojnë ngjarjen, për të nxjerrë zyrtarisht shkaqet e kësaj çmendurie. Sipas të dhënave paraprake, vrasësi kishte prishur festën që po zhvillohej në një lagje të Calit për të marrë hak për tradhtinë e të fejuarës së tij.
Përveç Peñaranda, që mori plagë të rënda duke humbur jetën, mbeti i plagosur edhe shoku i tij i skuadrës Heissen Izquierdo dhe Cristian Borja, lojtar i Tolucas.