Pak pas mesditës së kësaj të marteje, Kukësi njoftoi mbylljen e bashkëpunimit me portierin Ilir Avdyli, ndërsa në mbrëmje, futbollisti i lindur në Prishtinë prezantohet të Feronikeli. 30-vjeçari mbyll etapën e dytë në Superiore, ku pas përvojës me Kamzën, tentoi të spikaste te nënkampionet e Shqipërisë, por pa mundur të mposhtte konkurrencën e Dashamir Xhikës.
Më poshtë, njoftimi i Feronikelit:
“Gjatë ditës së martë, një tjetër futbollist i është bashkuar FC Feronikelit për të ndihmuar skuadrën drejt objektivave për sezonin 2020/21. Bëhet fjalë për portierin, Ilir Avdyli, i cili është dakorduar me klubin për të vazhduar karrierën e tij në ngjyrat gjelbërt e bardhë.
Avdyli ishte pjesë e skuadrës së Kukësit nga Shqipëria dhe më parë kishte mbrojtur ngjyrat e KF Tiranës, KF Kamzës e po ashtu edhe Shkëndijës së Tetovës në Maqedoninë e Veriut. Kujtojmë se Avdyli ka qenë pjesë e Kombëtarës së Kosovës.
Ilir Avdyli është i lindur më 20 maj 1990, në Prishtinë, dhe është i gjatë 1.89 cm. Ai do të i bashkohet klubit në stërvitje më 10 gusht.”