Pas 15 sezonesh te Marseille, Steve Mandanda është larguar zyrtarisht gjatë ditës së djeshme, por gjithsesi do të mbetet në kampionatin francez, pasi ka firmosur për dy sezone me klubin e Rennes.
Gardiani i mirënjohur 37-vjeçar nuk bënte më pjesë në planet e Marseille dhe palët ndërprenë bashkëpunimin, megjithatë iu deshën vetëm pak orë për të gjetur skuadrën e re, ku do të luajë në dy sezonet e ardhshme.
I rritur te Le Havre, Mandanda iu bashkua Marseille në verën e 2007-ës dhe ka luajtur në “Vellodrome” për 14 sezone, duke qenë se në periudhën 2016-2017 provoi një eksperiencë te anglezët e Crystal Palace.
Mandanda numëron mbi 700 ndeshje si profesionist, 34 prej të cilave me përfaqësuesen franceze, ku nuk ka qenë asnjëherë titullar, por ka gjetur vazhdimisht hapësira.
