Kushtet e papërshtatshme atmosferike e kanë bërë të pamundur vijimin e ndeshjes së Conference League-s mes skuadrës sllovake Slovacko dhe Kolnit. E nisur në 18:45, kjo sfidë u shty përfundimisht për shkak të mjegullës, pasi u luajtën vetëm shtatë minuta lojë.
Zyrtarët e sfidës i urdhëruan skuadrat të ktheheshin në dhomat e zhveshjes pasi shikueshmëria ishte në nivel të tillë që e bënte të pamundur zhvillimin normal të takimit. Pas rreth dy orësh, u vendos përfundimisht që kjo ndeshje të zhvillohet këtë të premte në orën 13:00, duke nisur nga minuta e shtatë.