U përfol shumë për një afrim të tij te skuadra e Kukësit, por ,mbrojtësi Herdi Prenga ka zgjedhur kampionatin hungarez për të vijuar karrierën e tij. Pasi mbylli bashkëpunimin 2-vjeçar me Rigën, ku fitoi edhe titullin kampion në Letoni, Prenga iu bashkua klubit të Kisvarda.
Mbrojtësi 26-vjeçar, i cili numëron edhe dy ndeshje me fanellën e Kombëtares Shqiptare, i bashkohet kështu kolonisë së shqiptarëve në kampionatin hungarez, që kryesohet nga Myrto Uzuni te Ferencvaros e vijon me emra si Naser Aliji te Honved dhe Hysen Memolla e Florent Hasani te DVTK.
Herdi Prenga është rritur në akademinë e Dinamos së Zagrebit dhe në kampionatin kroat ka veshur edhe fanellat e klubeve si Sevsete, Lokomotiva Zagreb e Inter Zapresiç, ndërsa tani kampionati hungarez mund të shërbejë si një trampolinë për një tjetër hap të madh në karrierë.