Raymond Domenech u rikthye të stërvitë një ekip pas gati 10 vitesh, megjithatë aventura e tij në pankinën e Nantes zgjati rreth dy muaj, pasi klubi francez vendosi ta shkarkojë pasditen e sotme.
Ish trajneri i Francës në periudhën 2004-2010, pas një pushimi 10-vjeçar, u ul në pankinën e Nantes në dhjetor të vitit të kaluar, por rezultatet nuk ishin ato të priturat dhe drejtuesit i komunikuan shkarkimin.
Në dy muaj që ishte në pankinën e Nantes, Domenech drejtoi skuadrën në 8 ndeshje, duke regjistruar 4 barazime dhe 4 humbje, rezultate që e kanë zbritur skuadrën në zonën e rënies nga kategoria.