Serie A

U rikthyen në Serie A pas 26 vitesh, garë Gattuso-Pirlo për stolin e ekipit italian

Cremonese zhvilloi një sezon fantastik në Serie B, e mbylli në vend të dytë dhe siguroi rikthimin në elitën e futbollit italian pas plot 26 viteve. Fabio Pecchia dha dorëheqjen nga posti i trajnerit pas arritjes së suksesit të jashtëzakonshëm.

Shefi Ekzekutiv i Cremonese, Ariedo Braida po tenton t’i besojë stolin Gennaro Gattusos sipas medieve italiane. Në garë është edhe Andrea Pirlo, një tjetër ish-milanist si Gattuso e Braida.

Ky i fundit po insiston të bindë Gattuson, i cili qëndron pushim prej qershorit të vitit të kaluar kur i dha fund bashkëpunimit me Napolin. Më pas eksperienca me Fiorentinën që përfundoi pa nisur mirë.

Tani po shqyrton ofertën e klubit nga Cremona, por ish-luftëtari i mesfushës ka marrë propozime edhe nga klube të tjera dhe nuk dëshiron të nxitohet në vendimin e tij për t’u rikthyer në pankinë.

Eventet Sportive në SuperSport

Të Fundit

EVENTET NË SUPERSPORT

To Top
Evolve Web Agency Evolve Web Agency