Shqipëria U19 ka barazuar 0-0 në ndeshjen e dytë miqësore me Kosovën U19. Dy përfaqësueset shqiptare, u përballën sërish mes tyre në “Kukës Arena”. Stadium ku dy ditë më parë kuqezinjtë e drejtuar nga Ervin Bulku fituan 1-0 me golin e shënuar nga Adi Kurti.
Kuqezinjtë e nisën ndeshjen me këtë formacion: Klevi Totoshi, Arlind Kurti, Adi Kurti, Aljon Damini, Maldin Kacurri, Zylyf Muça, Oresti Kasmollari, Orgito Ruci, Dean Vranici, Erald Krasniqi dhe Flavio Sulejmani.
Trajneri Bulku kishte mundësinë ta shihte për herë të dytë skuadrën e tij në fushë. Duke krijuar kështu një ide më të qartë në prag të kualifikueseve të Europianit për këtë grupmoshë.
Lexo edhe:
- Ish-trajneri i C. Palace shumë pranë emërimit në stolin e përfaqësueses së Amerikës
- Ishte objektiv i Realit, sulmuesi i Chelsea ka vendosur të luajë për rivalët e “bluve”
- Shkëlqeu ndaj Spanjës, mesfushori pranë firmës me Interin
- FOTO/ I mjaftuan 9 gola, Napoli bindet dhe transferon përfundimisht sulmuesin argjentinas
Që do të luhen në vendin tonë në muajin nëntor. Paraqitja e kuqezinjve të vegjël ishte e mirë. Në duelin e sotëm ata krijuan disa mundësi shënimi, por nuk ia dolën dot të finalizonin e të fitonin.
Në vijim pritet që Shqipëria U19 të zhvillojë edhe ndeshje të tjera miqësore, si edhe grumbullime e seleksionime. Një pjesë e mirë e lojtarëve njihen nga trajneri Bulku.
Pasi i ka pasur nën urdhra edhe më parë kur drejtonte Shqipërinë U17, që u kualifikua në Elite Round të kualifikueseve të Europianit të kaluar.
