Marcelo Bielsa pezullohet nga detyra e trajnerit të Lille dhe për cështje orësh mund të shkarkohet nga detyra. Lajmi u dha nga vetë klubi francez, që nëpërmjet një njoftimi për shtyp sqaron edhe arsyen e këtij vendimi.
“Lille ka vendosur të pezullojë përkohësisht zotin Marcelo Bielsa nga funksioni i tij si trajner në kuadër të një hetimi të brendshëm të nisur nga klubi.”
Një ngjarje e pazakonte në botën e futbollit, që lidhet me një udhëtimit të trajnerit argjentinas drejt Kilit, pa marrë leje në klub. Duke njohur edhe karakterin e “Të Çmendurit”, sikurse etiketohet Bielsa, parashikohet ndërprerja përfundimtare e marrëdhënieve mes palëve. Dhe po ndodh pikërish në një moment pozitiv, pasi skuadra Lille ka fituar dy ndeshje radhazi në kampionatin francez, kundër Metz dhe St.Etienne.
