Përfaqësuesja e Shqipërisë U-17 ka humbur në ndeshjen e parë të turneut “UEFA Development Tournament”, që u zhvillua ditën e sotme në Maltë. Kuqezinjtë e vegjël të drejtuar nga trajneri Elvin Beqiri nuk kanë mundur të marrin një rezultat pozitiv përballë vendasve maltezë, duke u mposhtur 2-0.
Gjatë pjesës së parë Shqipëria pati disa mundësi të mirë, por pa gjetur rrjetën e maltezëve, duke bërë që kjo periodë të mbyllet me rezultatin e bardhë , 0-0. Malta e gjeti golin e parë në minutën e 52-të me anë të Briffa dhe në të 62-ën Zammit dyfishoi rezultatin.
Shqipëria U-17 luajti me këtë formacion: Bokova, Mataj, Preka, Zalli, Ndoj, Filipi, Sula, Lusha, Fejzulla, Mitaj (c), Cereni.
Këto janë dy ndeshjet e radhës së turneut për Shqipërinë U-17:
6 Mars 2019, Skoci-Shqipëri
8 Mars 2019, Shqipëri-Danimarkë
