Në prag të kampionatit botëror të atletiks që do të zhvillohet nga data 4 deri më 13 gusht në Londër, Usain Bold tregoi detaje nga karriera e tij, që kur nisi të merrej me sport. Rekordmeni absolut në 100 dhe 200 metra, i cili do të garojë për herë të fundirt në një event kaq të rëndësishëm, zbuloi se si trajneri i tij i parë i kriketit e orientoi drejt atletikës.
“E zbulova se isha shumë iaftë në atletikë kur luaja kriket, që mbetet dashuria ime e parë në sport. Trajneri im më tha se duhet të provoja të vrapoja, sepse isha shumë i zoti. Fillimisht bëra një provë, më pas nisa të fitoja garë pas gare. Isha një talent i pastër. Nga shkolla fillore deri në të mesme thuasje nuk stërvitesha fare. Teknikën dhe forcën fizike e fitova gjatë viteve, duke u stërvitur në pistë. Në moshën 13-14-vjecare isha shumë i emocionuar pas grumbullimit tim të parë nga Xhamajka.”
Sprinteri xhamajkan, ua dedikon vecanërisht prindërve të tij seksesin e madh që arriti në Atletikë, pasi bënë gjithcka që ai t’i përkushtohej me profesionalizëm këtij sporti.
“Prindërit e mi kanë qenë ata që më kanë motivuar, ata më shtynë për t’u bërë ky që jam sot. Unë braktisja stërvitjen për të qëndruar me miqtë e mi, atletika në atë kohë nuk ndiqej si sot. Për mua fillimisht ishte një mënyrë për të fituar para, për nevojat e mia dhe për të ndihmuar prindërit.”
Objektivi i Usain Bolt është të konfirmohet edhe një herë më i shpejti i planetit, pikërisht në kampionatin botër.
“Për ndonjë arsye nuk jam favorit për ta fituar garën e 100 metrave, këtë po lexoj dhe këtë po më thonë edhe trajnerët e mi, prandaj dua ta provoj edhe një herë.”
Pyetjes mëse beson ende se është njeriu më i shpejtë i planetit, fituesi i tetë medaljeve të arta olimpike iu përgjigj:
“Pa dyshim që po. Në garën e fundit kam regjistruar kohën 9.95, duke treguar se isha në drejtimin e duhur. Dy bateritë që të cojnë në finale më ndihmojnë gjithmonë.”