Kombëtare

Uzuni: Realizova një ëndërr, luaj ku të dojë trajneri

Pas disa sezonesh si protagonist në kampionatin shqiptar, Myrto Uzuni u transferua në fund të verës te kroatët e Lokomotivës së Zagrebit, ndërsa vetëm një muaj më pas, mori ftesën nga Panucci.

Sulmuesi beratas debutoi sot me fanellën kuqezi dhe realizoi një ëndërr, ndërsa tregoi se meriton plotësisht jo vetëm ftesën, por pse jo edhe minuta në formacion.

Arrini kombëtaren, vetëm pasi jeni larguar nga Shqipëria…
Me aktivizimin në kombëtare, u realizua një ëndërr e hershme e imja, ndaj jam shumë i lumtur. Besoj se unë kisha rënë në sy që në Shqipëri, por fakti që po luaj në Kroaci dhe kam bërë ndeshje si protagonist, e bindën Panuccin të më ftojë.

Si ndiheni kur luani në qendër?
Nuk e kam problem, pasi edhe në Kroaci po luaj në qendër. Jam një lojtar që vrapoj shumë dhe që më pëlqen të kem topin në këmbë, ndaj nga qendra ndihem më mirë për të vënë në funksion aftësitë e mia.

To Top