Fantazisti francez Mathieu Valbuena i dha fund eksperiencës në Turqi me skuadrën e Fenerbahces, ku luante prej dy sezonesh, ndërsa tani do të nisë një aventurë të re, në kryeqytetin grek, Athinë.
Kjo pasi 34-vjeçari ka arritur marrëveshjen me skuadrën e Olympiacosit, ndërsa lajmi është bërë publik nga vetë klubi grek, që këtë sezon kërkon rikthimin te titulli kampion.
Valbuena ka shkëlqyer me skuadra si Marseille, ku luajti për 8 sezone dhe Lyon për dy sezone, ndërsa numëron edhe 52 ndeshje, me 8 gola të shënuar, për kombëtaren franceze.