Valdet Rama pritet të luajë titullar në Korçë, ndaj Skënderbeut. Ish-futbollisti kuqezi tha në konferencën për shtyp se e kam kaluar problemin fizik që e la jashtë për disa javë
“Gjendja ime është e mirë. Po kthehesha në formën time më të mirë dhe pësova një lëndim. Kam bërë maksimumin në stërvitje për të qenë gati, nuk kam më dhimbje dhe jam i kënaqur që tani mund ta ndihmoj skuadrën.”
31-vjeçari e vlerëson kundërshtarin, por beson se ekipi i tij do të marrë rezultatin e duhur për të shkuar në finale.
“Të gjithë e dimë që Skënderbeu është një skuadër e fortë, nuk e nënvlerësojmë. Ne jemi përgatitur shumë mirë nga trajneri dhe e dimë që është ndeshje shumë e rëndësishme për klubin. Ne dëshirojmë ta fitojmë Kupën dhe do të japim maksimumin për ta arritur objektivin.”
Sa i përket të ardhmes, Rama tha se ka kontratë me Kukësin edhe për Kupat e Europës.
E kam thënë edhe më herët që kampionati shqiptar kalojtarë shumë të talentuar. Mua më pëlqen, mendoj se po zhvillohet. Do të jem me Kukësin edhe në kupat e Europës, sepse kam kontratë.