Valdet Rama është një nga pikat më të forta të Kukësit, që mund të bëjë diferencën edhe në përplasjen e dyfishtë me Debrecenin në Europa League. Ish-mesfushori i përfaqësueses, i pyetur për mundësitë që ka Kukësi për t’u përballur në raundin e dytë kualifikues me Torinon, theksoi se vëmendja është vetëm te kundërshtari i parë.
“Deri tani kemi punuar shumë mirë, kanë qenë stërvitje me ngarkesë. Besoj se është normale. Po përgatitemi për Europa League-m, ku do të përballemi menjë skuadër shumë të fortë.
Për momentin nuk mendoj as për Torinon apo Romën, por për Debrecenin. Duhet të kalojmë këtë kundërshtar..”
Rama mbërriti në janar te Kukësi me dëshirën e madhe për të fituat titullin, por në fund, sikurse e pranon, ka qenë kënaqur edhe me suksesin në Kupë.
“Për mua përvoja me Kukësin ka qenë pozitive. Sigurisht që jo gjithçka shkoi siç shpresonim, por bëmë detyrën në fund duke marrë trofeun e Kupës së Shqipërisë. Ishte diçka shumë pozitive. E ardhmja ime te Kukësi? Do të flasim me drejtuesit dhe do të vendosim se çfarë do të bëjmë.”
