Valencia gjeti fitoren e parë pas rinisjes së sezonit, duke harruar shumë shpejt “shuplakën” që mori nga Real Madridi pak ditë më parë. Ekipi i drejtuar nga Albert Celades mposhti 2-0 Osasunan në “Mestalla” dhe rrit optimizimin për mbylljen e sezonit në zonën e sipërme të renditjes, që do t’i jepte mundësi për të luajtur të paktën në Europa League sezonin e ardhshëm.
Në fakt, kjo përballje me Osasunan nuk pati shumë histori, vendësit i shënuan të dy gola që në pjesën e parë me autorë me Guedes dhe Rodrigon, madje këtij të fundit iu anulua një gol për pozicion jashtë lojë që në minutën e tretë.
Me 6 pikë më pak se Sevilla e vendit të katërt, Valencia edhe nuk është dorëzuar për zonën Champions, por gjithsesi duhet t’u marrë maksimumin ndeshjeve të mbetura të sezonit.
