Connect with us

Hi, what are you looking for?

Serie A

Valon Berisha “vesh maskën” e luftëtarit: Kam mentalitet fituesi

Rrugëtimi i tij ngjason me atë të shumë futbollistëve që kanë mbërritur te Lazio vitet e fundit. Shembujt nuk mungojnë, nga Luis Alberto, Felipe Anderson e deri tek gjiganti Milinkovic-Savic. Pas një sezoni të parë të përgjumur, kanë shpërthyer duke u shndërruar pika shumë të rëndësishme të skuadrës. Tani është momenti i Valon Berishës, që për “Corriere dello Sport”, u shpreh:

“Kam mentalitet fituesi. Në stërvitje dhe në ndeshje dua vetëm të fitoj. Dua të arrij formën dhe të luftoj për vendin e titullarit. Para se të vija te Lazio, nuk kam patur kaq shumë probleme. Isha ndalur vetëm një herë për arsye dëmtimi.”

Fjalë që kanë edhe mërzitjen brenda e që tregojnë gjendjen e vështirë që ka kaluar mesfushori sezonin e kaluar. Në fakt, nuk kanë qenë vetëm dëmtimet që e kanë vështirësuar përshtatjen e tij.

“E pata të vështirë kur erdha në Romë, sepse u gjenda vetëm. Familja ishte larg, e ndjeva largësinë.”

Një ndihmë e madhe për të ka qenë Thomas Strakosha, të cilin e konsideron vëlla.

“Familja ka qenë gjithmonë e rëndësishme për mua. Doja të vazhdoja studimet, sepse nuk isha i sigurt për të ardhmen si futbollist.”

Është momenti për të kthyer faqe dhe për të parë nga e ardhmja me optimizëm. Berisha është gati “të veshë maskën” e luftëtarit për ta ndihmuar Lazion të arrijë objektivin e madh sezonal: kualifikimin në Champions League.

 

 

 

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...