Te Barcelona është koha për të reflektuar dhe analizuar mbi vendimet, që mund të jenë shumë të rëndësishme. Është shumë e qartë që një nga burimet e krizës sportive të Barcelonës në këtë fund sezoni është stoli, ndaj drejtuesit katalanë duan të jenë të përgatitur për zhvillim të ri.
“Blaugranat”, sipas “Sport.es”, kanë kontaktuar tashmë me trajnerin aktual të Belgjikës, Roberto Martinez, për të kuptuar disponibilitetin e tij, në rast se Ernesto Valverde nuk do të vijojë të jetë në krye të Barcelonës.
Premisat janë që Martinez të pranojë, por duhet të zhvillohen edhe disa takime të tjera, për të vënë pikat mbi “i”. 45-vjeçari mbetet një kandidat shumë serioz për të pasuar Valverden.
Presidenti i Barçës, Josep Maria Bartomeu, po e analizon me shumë kujdes atë që ka ndodhur, megjithatë gjithmonë i ka dalë në mbrojtje Valverdes. Edhe në përfundim të Kupës së Mbretit, të fituar nga Valencia, presidenti nuk bëri me përgjegjësi trajnerin, duke i dhënë një mesazh për vazhdimësinë. Me kalimin e ditëve dhe me një vlerësim më gjakftohtë të situatës, Bartomeu e di që duhet të marrë një vendim shumë të rëndësishëm për të ardhmen e klubit.