Dinamo bie zyrtarisht në Kategorinë e Parë, ku edhe ishte një sezon më parë, ndërsa trajneri Rodolfo Vanoli u shpreh se lojtarët kanë dhënë maksimumin që prej ardhjes së tij dhe tha se i vjen keq që nuk gjeti Skukën në ekip.
“Që kur kam ardhur unë, paraqitjet kanë qenë mjaft të mira dhe nuk kam gjë tjetër për të thënë, përveçse të falënderoj lojtarët për atë që kanë dhënë në fushën e lojës.
Që kur erdha këtu, bashkë me presidencën e dinim situatën dhe natyrisht edhe vështirësinë e limitet. Lojtarët dhanë maksimumin, por nuk ia dolëm. Më vjen keq shumë që nuk stërvita Skukën, pasi kjo shpjegon shumë gjëra.
Ne jemi tashmë të karikuar për vitin tjetër dhe kush dëshiron të jetë pjesë e ekipit në të ardhmen, duhet të japë maksimumin në ndeshjet që kanë mbetur”, deklaroi Vanoli.