Videolojërat janë nga mjetet më argëtuese jashtë fushës së lojës për një futbollist, ndërsa së fundmi edhe Sergio Aguero ndan eksperiencën e tij me një të tillë. Tashmë, me statusin e ish-futbollistit, argjentinasi tregon se është i fiksuar me “The Grand Mafia”, një lojë e cila ka të bëjë me strategjitë për të fituar territor dhe pushtet.
Madje, për t’u bërë i famshëm në këtë lojë virtuale dhe për të rritur profilin e tij, Aguero ka shpenzuar edhe para, madje një shumë aspak inferiore si 10.000 euro në dy javë.
Ndërsa, sulmuesi ka shkuar deri në pikën kur banka i ka bllokuar kartën e llogarisë pasi lëvizjet e parave nisën të bëheshin të shpeshta. Megjithatë, tashmë Aguero e ka në duar situatën edhe pse shpeshherë ndan me ndjekësit e tij momente nga loja. Edhe pse në ditët në vijim, ish-sulmuesi do ta ketë kohën e reduktuar për lojërat, pasi do të jetë pjesë e stafit të Argjentinës për në Kupën e Botës.
