Ndonëse kontrata me Paris Saint-Germain përfundon në fund të qershorit, Kylian Mbappe duket ende i pavendosur për të ardhmen e tij.
Nga mediat franceze raportohet se me shumë gjasa sulmuesi do të transferohet në Spanjë, te klubi i Real Madrid.
E ardhmja e Mbappe-së është diskutuar gjithmonë shumë, por që nga shorti i fazës eliminatore të Champions League, që vendosi përballë njëri-tjetrit PSG-në me Realin, kjo “telenovelë” ka çdo ditë të reja që herë e mbajnë lojtarin në Paris, e herë e dërgojnë në Madrid.
Gjithsesi, i vetëdijshëm për entuziazmin e shkaktuar nga situata e tij, Kylian Mbappe kishte dashur të qetësonte klubin e tij disa ditë para ndeshjes së parë.
“Vendimi im nuk është marrë. Mendoj se të luash kundër Real Madridit ndryshon shumë gjëra, edhe nëse jam i lirë nuk do të flas me kundërshtarin apo të bëj diçka të tillë. Jam i fokusuar në fitoren kundër Realit.”,-tha ai për “Prime Video”.
Megjithatë që atëherë, Kylian Mbappe ishte në super formë në ndeshjen kundër Real Madridit dhe e ardhmja e tij është më shumë se kurrë në qendër të lajmeve.