Lajm i rëndësishëm për tifozët shkodranë vetëm para orë para ndeshjes me Kukësin, që do të zhvillohet në “Loro Boriçi”. Kluibi i Vllaznisë bën të ditur se, duke parë interesimin e tifozërisë shkodrane, për sfidën e orës 13:00, ka vendosur të rihapë tribunën qendrore të stadiumit, duke konvertuar me gjobë gjysmën e dënimit të mbetur nga vendimi i Komisionit të Disiplinës, i datës 6 nëntor 2019.
“Klubi ka marrë përsipër pagesën e gjobës për të hequr këtë dënim të mbetur, vetëm e vetëm që tifozët sot të mos jenë të penalizuar për të mbushur shkallët e stadiumit dhe për të mbështetur skuadrën tonë në këtë ndeshje shumë të rëndësishme.
Përveç tribunave C, D dhe E, sot do të jenë të hapura edhe tribunat A, B dhe ajo VIP. Ju bëjmë thirrje që në orën 13:00, të jeni sa më të shumtë në “Loro Boriçi”, në këtë ndeshje të fundit për këtë vit në këtë stadium, duke shpresuar që t’i bëjmë një mbyllje ashtu si duhet,” – shkruhet në njoftimin e Vllaznisë.
Çmimet e biletave për ndeshjen Vllaznia- Kukësi:
Tribuna C 200 lekë
Tribuna D 300 lekë
Tribuna E 200 lekë (për miqtë)
Tribuna A 500 lekë
Tribuna B 500 lekë
Tribuna VIP 1000 lekë
