Tirana vijon fazën përgatitore në Antalya të Turqisë, ku përveç punës intensive në fushën e stërvitjes, po zhvillon edhe teste miqësore për të ndihmuar që lojtarët të rigjejnë sa më shpejt ritmin të më mirë të tyre.
Kështu tre ditë pas ndeshjes miqësore ndaj Alanyasporit, ku u mposhtën me rezultatin 2-1, bardheblutë matën forcat sot me skuadrën hungareze të Mezokovesdit, ndaj të cilës fitoi me rezultatin minimal 1-0.
Në kompleksin “Side Grande Aqua Sport Center” të Antalyas, skuadra e drejtuar nga Emanuel Egbo gjeti në pjesën e dytë golin e fitores, që u shënua nga fantazisti brazilian Elton Cale.
Formacioni startues i Tiranës: Bakaj, Doka, Vangjeli, Muça, Ismajlgeci, Batha, Celhaka, Kale, Torasa, Cikani, Ngo. Trajner: Emanuel Egbo.
