Connect with us

Hi, what are you looking for?

Serie A

Vendos goli i De Ligt, Juventusi fiton derbin dhe rimerr kreun

Matthijs del Ligt, mister 75-milionë euro, shënon golin e parë me Juventusin. E bën në derbin e Torinos, ndaj ekipit “granata”, duke u dhuruar fitoren bardhezinjve, të cilët brenda pak orësh zhvendosën në vendin e dytë Interit, që kishte marrë përkohësisht kryesimin falë fitores 1-2 në fushën e Bolognas.

Mund të kishte rezultuar “djalli” i Juventusit nëse kryesori Doveri do të kishte reklamuar 11-metërsh në minutën e 11-të, për prekjen e topit me dorë brenda zonës, por mbrojtësi holandez u ndie “engjëlli” i skuadrës së tij, duke e festuar si i çmendur golin e parë me fanellën bardhezi.

Meritë pa dyshim e Gonzalo Higuainit, i cili e asistoi në mënyrë perfekte holandezin, që nuk i la asnjë mundësi reagimi portierit Sirigu, cili vetëm pak sekonda para golit kishte bërë mrekullinë ndaj gjuajtjes fluturimthi të “El Pipitas”.

I mungoi shumë goli në këtë derbi edhe Cristiano Ronaldos, që e pati shansin përballë portierit Sirigu, por pa mundur ta kalonte topit pas shpinës së “gardianit”. Festuan vetëm për pak sekonda shënimin e golit në shtesë futbollistët e Torinos, por anësori ngriti shumë shpejt flamurin, me të drejtë, për pozicion jashtë loje.

 

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...