Një javë pas suksesit në Superkupë ndaj Vllaznisë, Teuta ka zhvilluar një tjetër test përgatitor, këtë herë përballë Kastriotit, një tjetër skuadër e Kategorisë Superiore.
Durrsakët ia dolën të triumfojnë me rezultatin minimal 0-1, falë një goli të shënuar nga sulmuesi kryesor i skuadrës Pepi Gorgiev në minutën e 30’, ndërsa më pas kampionët në fuqi ia dolën të administrojnë mirë rezultatin.
Trajneri Edi Martini aktivizoi një pjesë të madhe të futbollistëve që ka në dispozicion dhe mori një tjetër sinjal që skuadra është gati për startin e kampionatit, me durrsakët që do të zbresin në fushë të premten në mbrëmje për t’u përballur me Partizanin në ndeshjen hapëse.