Chelsea arriti të shpëtojë disi një sezon, që po shkonte drejt dështimit total, me skuadrën që nuk arriti jo të mbrojë titullin kampion, por as të sigurojë të drejtën për të luajtur në edicionin e ardhshëm të Champions League.
Në finalen e FA Cup, në ‘Wembley’, skuadra e Antonio Contes mposhti me rezultatin minimal 1-0 Manchester Unitedin dhe bëri të vetin trofeun mbretëror të Anglisë. Sfida u vendos nga një gol i shënuar nga kapiteni Eden Hazard, që shënoi nga pika e penalltisë në minutën e 22-të të sfidës.
Në pjesën e mbetur, ‘djajtë e kuq’ bënë gjithçka për të ndryshuar rezultatin dhe arritën të dominojnë sfidën, duke krijuar edhe disa raste të mira, por pa arritur të dërgojnë topin në rrjetën e portës së Courtois.
Në fund pati edhe një përqafim miqësor mes Mourinhos dhe Contes, dy teknikëve që prej kohësh ishin përfshirë në replika të ashpra me njëri-tjetrin.
