Pas dy barazimeve radhazi në kampionat, Barcelona arriti të rikthehet te fitorja, teksa mposhti me rezultatin minimal 1-0 skuadrën e Valladolidit.
Katalanët vuajtën jo pak për të marrë 3 pikët, pasi miqtë bënë një ndeshje në kufijtë e perfektes, duke lejuar shumë pak hapësira për kundërshtarin.
Lionel Messi vendosi fatin e takimit me një gol të shënuar në minutën e 43-të me penallti, ndërsa në të 85-ën, argjentinasi humbi mundësinë e dyfishimit, pasi këtë herë nuk arriti të dërgojë topin në rrjetë, nga një 11-metërsh i dytë.
Fitorja e mban Barcelonën në krye, ndërsa katalanët arrijnë të ruajnë diferencën prej 7 pikësh nga Atletico e vendit të dytë dhe 9 pikësh nga Reali i Madridit.