Shkëndija e Tetovës e nis në mënyrën e duhur pjesën e dytë të sezonit në Ligën e Parë të Maqedonisë. Kuqezinjtë tetovarë mposhtën me rezultat minimal Vardarin, duke e thelluar në 8 pikë diferencën në ndjekësit më të afërt, hendek që në njëfarë mënyrë e vret edhe rivalitetin për titull në Maqedoni.
Golin e vetëm të takimit e realizoi Omar Imeri në minutën e 23-të, finalizim që rezultojë përcaktues për tri pikët e skuadrës së Qatip Osmanit, pasi në vijim të lojës asnjëra nga skuadrat nuk arriti të shënonte në portat respektive.
Shkëndija me këtë sukses arrin në kuotën e 43 pikëve në 19 takime, ndërsa Vardari mbetet i dyti, me 35 pikë.
Një rezultat të mirë mori edhe Shkupi në fushën e Sileksit, duke barazuar 2-2.
