Europa League startoi sot me fazën Play Off, teksa u luajt ndeshja e parë e çiftit të fazës së 1/16-ave, mes Fenerbahces dhe Zenitit të Petërsburgut.
Takimi u fitua nga turqit me rezultatin minimal 1-0, falë një goli të shënuar nga ish futbollisti i Leicesterit, Slimani në minutën e 21-të të takimit.
Turqit zhvilluan një ndeshje mjaft të mirë, duke dominuar thuajse tërësisht ndaj kundërshtarit, por arritën të shënojnë vetëm një herë, duke lënë të hapur çështjen e kualifikimit, për në ndeshjen e kthimit në Rusi.