Sebastian Vettel regjistroi kohën më të mirë në provat e lira të Çmimit të madh të Monzës, por duket se nuk është tërësisht i kënaqur në përfundim të tyre.
Piloti gjerman pranoi faktin se Ferrari ka qenë në gjendje mjaft të mirë në pistën e shtëpisë, port ha se pret akoma më shumë për nesër.
“Vendosa kohën më të mirë, por në total nuk jam i kënaqur, pasi kishim mundësi të bëjmë më mirë. Duke parë makinën që kam në dispozicion, besoj se nesër do të jemi akoma më mirë. Shpresoj që edhe moti të mos na prishë garën”, deklaroi piloti gjerman.
Sebastian Vettel fitoi në fundjavën e kaluar në Belgjikë dhe këtë fundjavë do të kërkojë të përsërisë suksesin, për të rikuperuar akoma më shumë në diferencën mes tij dhe Hamilton, në renditjen për pilotë.