Dy ndeshje për të shkatërruar punën e një viti. Kombëtarja e Italiane e futbollit e drejtuar nga Gianpiero Ventura rrezikon seriozisht pjesëmarrjen në “Rusi 2018”, por mëshumë shqetësues është poshtërimi i të kaltërve brenda një muaji. Fillimisht humbja 3-0 me Spanjën dhe më pas barazimi 1-1 në shtëpi me Maqedoninë mes të cilëve qëndron fitorja minimale me Izraelin.
Të gjitha mediat në Itali kanë vënë në shënjestër Venturën, të cilit nuk i kërkojnë thjesht dorëheqjen, por e akuzojnë edhe si kapiteni që humbi busullën, të paaftë për t’i përmirësuar imazhin përfaqësues italiane.
Italia përvec kritikave për cilësinë e lojës dhe mungesën e një moduli të qartë, rrezikon madje të renditet si e dyta më e keqe, që do të thotë mospjesëmarrje as në Play-Off.
E në këtë rast, një pjesë të mirë të fatit të italianëve e vendos Shqipëria, e cila nëse bën mrekullinë në “Loro Borici”, kombinuar edhe më rezultatet e grupeve të tjera, do t’i shkaktonte një dramë të vërertetë futbollit italian. Një skenar ky i pabesueshëm, por që matematikisht është i mundshëm.