Me 15 gola të shënuar në kampionat, sulmuesi 21-vjeçar Dusan Vlahovic ka tërhequr vëmendjen e shumë klubeve të mëdha në Itali e në Europë, ndonëse Fiorentina po bën të gjithë përpjekjet për ta mbajtur akoma në skuadër.
Për të ardhmen e sulmuesit serb ka folur edhe shoku i tij i skuadrës, Lorenco Venuti, i cili ka pranuar se dëshiron që Vlahovic të mbetet në Firence, por nga ana tjetër e ka quajtur të drejtë ambicien e 21-vjeçarit për të luajtur në të tjera nivele.
“Çdokush ka disa objektiva personalë dhe disa pikësynime për të arritur, ndaj edhe zgjedhjet i bën mbi bazë të tyre. U në do të doja shumë që Vlahovic të mbetej te Fiorentina edhe sezonin e ardhshëm, por nga ana tjetër është e drejtë që ai të ndjekë ëndrrën e tij për të luajtur në nivele më të larta”, u shpreh Venuti.