Sezoni futbollistik nuk e ka thënë ende fjalën e fundit. Pas Kamzës, që përjashtua për shkak të dhunës ndaj gjyqtarit në përfundim të sfidës me Laëin, tashmë është mësuar dhe kampionia e vendit. Dy skuadra që mësojnë fatin e tyre pa u dëgjuar vërshëllima finale e kampionatit, që ka ende për të thënë në fushën e lojës.
Duke nisur nga zona europiane, ku Kukësi, Teuta, Laçi dhe Flamurtari janë në garë për vendin e dytë dhe të tretë. 270 minuta nga fundi, gara është e hapur, edhe pse logjika të bën të besosh që verilindorët dhe “Djemtë e Detit” janë më të avantazhuar në këtë garë. Flamurtari, Laçi dhe Skënderbeu do të tentojnë deri në fund për të siguruar minimalisht vendin e 4-t, në mënyrë që të presin një dhuratë nga Kukësi në finalen e Kupës së Shqipërisë me Tiranën.
Bardheblutë kanë një mundësi të artë për të siguruar Europën nëpërmjet trofeut të dytë më të rëndësishëm në vend, por më parë duhet të sigurojnë mbijetesën.
