Verona ka refuzuar ofertën e parë të Napolit, për kartoni ne mesfushorit të talentuar maroken, Sofyan Amrabat, që po dhuron paraqitje fantastike në këto javë të para të Serisë A.
Mesfushori 23-vjeçar tërhoqi vëmendjen e drejtuesve napolitanë, që ofruan menjëherë 10 milionë euro për kartonin e tij dhe gjithashtu ta linin te Verona në huazim deri në fund të sezonit.
Megjithatë drejtuesit veronezë refuzuan, duke qenë se për mesfushorin interesohet edhe Interi, ndaj shpresat e tyre janë që çmimi të rritet edhe më shumë deri në fund të sezonit.
Kujtojmë që Sofyan Amrabat ka ardhur te Verona në formë huazimi me të drejtë blerjeje për 2.5 milionë euro nga belgët e Club Brugge.