“Unë e dua Francën”- ky është titulli që ka zgjedhur “France Football” për intervistën me Marco Verratti-n, mesfushorin e Paris Saint-Germain dhe Italisë, që ka folur se si e përjetoi ai Kupën e Botës Katar 2022, në të cilën ishte vetëm shikues.
Verratti theksoi se ka bërë tifo për Francën në këtë Botëror, ndërsa në fund shtoi se është i lumtur për shokun e skuadrës, Lionel Messi-n që më në fund e fitoi edhe këtë trofe.
“Kam shumë miq në kombëtaren franceze, gruaja ime është franceze dhe fëmijët e mi kanë lindur në Francë dhe të gjithë e vuajtën humbjen e “Les Bleus”. Por unë isha njëkohësisht edhe i lumtur dhe këtë për Lionel Messi-n dhe për Argjentinën që bëri diçka të jashtëzakonshme. Do të ishte keq sikur Messi ta mbyllte karrierën pa këtë trofe.”-tha italiani.