Sebastian Vettel bën “mea culpa”, pasi regjistroi kohën e 11-të më të mirë në sesionin e dytë të provave të lira për Çmimin e madh të Azerbajxhanit.
“Ky është një cirkuit i vështirë, e pata të vështirë të gjeja ritmin. Problemi, gjithsesi, mbetet vetëm tek unë, makina është shumë mirë dhe do të përpiqemi të hedhim një hapa para në kualifikuese.”
Shumë i qetë Kimi Raikkonen, që shënoi kohën e dytë më të mirë pas Daniel Ricciardos. Finlandezi u shpreh i bindur se mund ta nisë garën nga vija e parë për herën e katërt radhazi.
Klimë shumë pozitive në shtëpinë e Red Bullit, me Daniel Ricciardon që ishte më i shpejti në sesionin e dytë të provave të lira.
Të shpresojmë që të jap kohën më të mirë edhe në kualifikuese. Unë kam shumë besim, sidomos për garën e së dielës. Mendoj se tri skuadrat e para janë shumë pranë njëra-tjetrës.
Nuk është aspak i lumtur Lewis Hamilton, i cili shpreson që të ketë goma më efikase për Mercedesin e tij.
“Pati ndryshim të madh të temperaturës nga mëngjesi në mbrëmje dhe ky ndryshim ishte interesant për të kuptuar funksionimin e gomave.”
