Erasmo Vidal, babai i futbollistit të njohur kilian, Arturo Vidal, u gjet i vdekur në një klub hipizmi që frekuentonte dikur. Shtypi vendës ka publikuar një deklaratë për shtyp të lëshuar nga zëdhënësit e “Club Hipico de Santiago”:
“Kur u kuptua se personi nuk ishte në gjendje të mirë shëndetësore, u kontaktuan mjekët ndihmës që punojnë brenda kompleksit.”
Sipas raportimeve të para, babai i Arturo Vidalit ka pësuar arrest kardiorespirator për shkak të shokut hipovolemik: përpjekjet për mbajtjen në jetë rezultuan krejtësisht të padobishme. Për momentin, nuk ka mbërritur asnjë koment nga ish-lojtari i Juves, Interit, Bayernit e Barcelonës… Marrëdhëniet mes tyre kanë qenë gjithmonë të trazuara, me Vidalin që nuk e kishte falur kurrë plotësisht babanë për faktin që e kishte braktisur familjen në rininë e tij.
