Pepe Reina është një nga portierët më të mirë të dy dekadave të fundit. “Gardiani” spanjoll ka fituar trofe me Liverpoolin, Bayern Munchen dhe Napolin. Ndërkohë që verën e vitit të kaluar u rikthye te Villareali. Pas plot 17 vitesh.
40-vjeçari, i cili ka fituar Kupën e Botës dhe Europianin (2x) me Spanjën, nuk ka ndërmend të ndalet. “Veterani” dëshiron të luajë edhe sezonin e ardhshëm.
Përpara fillimit të Villareal-Cadiz, që po transmetohet në SuperSport 5, Reina u vlerësua për faktin që sot luan ndeshjen zyrtare numër 1000!
Lexo edhe:
- Finalja e Kupës, Inter “prova gjenerale” me Fiorentinën para Cityt
- Zyrtare, Andrea Pirlo shkarkohet nga posti i trajnerit të Fatih Karagumruk
- Tjetër “arratisje”, 20-vjeçari i Olympiacos gati për t’u bashkuar me përfaqësuesen e Greqisë
- “Nuk paguajmë biletat”/ Tifozët e Milanit “bojkotojnë” transfertën dhe ndihmojnë zonën e përmbytur
Një pankartë e madhe u shpalos nga ultrasit e Villarealit për nder të tij, ndërkohë që portieri i njohur përjetoi emocione të forta me familjarët.
Kontrata i përfundon në fundin e sezonit, por Reina e ka shprehur publikisht dëshirën për të vijuar edhe për një tjetër sezon në “Madrigal”.
