2023-shi është zikaltër. Interi fiton edhe derbin e pestë dhe të fundit për këtë vit ndaj Milanit, këtë herë me rezultatin bindës 5-1, duke konfirmuar formën e shkëlqyer që po kalon në këtë fillim sezoni.
Të dy skuadrat vinin në derbi me moralin e lartë, pas startit të kampionatit me nga tre fitore secila, megjithatë u deshën vetëm 5 minuta që derbi në niste ngjyrosjen zikaltër.
Një zbritje e shpejtë e Marcus Thuram në krahun e djathtë, pasim për Mkhitaryan dhe armeni dërgon topin në rrjetë, duke ndezur festën e “San Siro”-s së mbushur me rreth 70 mijë tifozë të Interit.
Milani provoi reagimin dhe Theo i shkoi pranë golit të barazimit, por pas një aksioni model, gjuajti lehtë dhe jashtë. Më pas vjen një tjetër zbritje e Interit, me Thuram që bën gjithçka mirë para se të lëshojë një të djathtë perfekte për të dërguar topin në trekëndëshin e Mike Maignan.
Pjesa e parë u mbyll me avantazhin e dyfishtë të zikaltërve, teksa 45-minutëshi i dyti nisi mes reshjeve të mëdha të shiut dhe dëshirës për reagim nga ana e Milanit, që në minutën e 58’ rihapi takimin me Leaon. Sulmuesi portugez u shërbye mirë nga Giroud dhe shfrytëzoi shpejtësinë për t’i shënuar yann Sommerit golin e parë sezonal.
Por entuziazmi i kuqezinjve shuhet shpejt, pasi në minutën e 69’ Interi bën një tjetër zbritje të shpejtë, me pak pasime dhe Mkhitaryan shënon golin e dytë personal e të tretin për Interin, i ndihmuar edhe nga devijimi i Loftus-Cheek.
Në të 79-ën, Theo Hernandez ndërhyn me një kohë vonesë ndaj Lautaros, duke shkaktuar penallti, teksa nga pika e bardhë shkon Hakan Calhanoglu, që shënon golin e ish-it, por edhe të katërtin për zikatlrit.
Festa u kompletua në shtesë nga njeriu i momentit në Itali, Davide Frattesi, i cili pasi shënoi dy gola ndaj Ukrainës katër ditë më parë, kishte ruajtur edhe një në derbi, duke kompletuar fitoren bindëse 5-1.
Pas kësaj sfide, Interi ngjitet në krye i vetëm, me 12 pikë të plota, ndërsa Milani mbetet në vendin e dytë, me 9 pikë dhe me shumë punë për të bërë, në mënyrë që të lërë pas krahëve këtë disfatë.
Inter-Milan 5-1 (Mkhitaryan 5′, 69′, Thuram 38′, Calhanoglu (pen) 79′, Frattesi 92’/ Leao 58′)
92′ – Goool. Shënon edhe Frattesi, duke çuar rezultatin në 5-1…
82′ – Provon të gjejë golin edhe Asllani me një goditje nga brenda zonës, por topi shkon pak mbi kuadrat…
79′ – Goooool. Calhanoglu ekzekuton në mënyrë perfekte penalltinë dhe shënon golin e katërt…
78′ – Theo ndal me faull Lautaron dhe arbitri akordon penallti për Interin…
69′ – Goooool. Tjetër zbritje fantastike e Interit, me Mkhitaryan që shënon edhe golin e tretë për zikaltrit e të dytin personal…
66′ – Aksion i shpejtë i Interit, që kërcënon me Carlos Auguston, por grushton Maignan dhe shmang golin e tretë…
58′ – Goooool. Rafael Leao mposht Sommerin me një aksion perfekt të Milanit dhe rihap derbin.
47′ – Goditje dënimi mbi vijën e zonës për Milanin. Rast i mirë goli, por Giroud godet mbi traversë…
38′ – Goooool. Marcus Thuram shënon një gol spektakolar, duke dyfishuar avantazhin e Interit në derbi. Zbritje e shpejtë e zikaltërve, që konkretizohet me një gol spektakolar…
31′ – Aksion i rrezikshëm i Milanit me Theo Hernandez, që bën gjithçka mirë, por goditja shkon ngjitur me shtyllën. Shpëton mirë Interi…
30′ – Goditje dënimi për Milanin, që provon me një skemë, por Leao kapet në pozicion jashtë loje…
5′ – Gooooool. Mkhitaryan i jep avantazhin Interit në aksionin e parë të zikaltërve, pas një këmbënguljeje të Thuram në krah…
– Starton sfida, me Interin që luan topin e parë…
Formacionet zyrtare Inter-Milan:
