Serie B

VIDEO/ 35 mijë tifozë në ekstazë, si u përjetua rikthimi i klubit siçilian në Serie B

Tifozët e Palermos kanë vuajtur shumë në vitet e fundit, por dielli po lind përsëri në Siçili. Skuadra është rikthyer në Serie B, pas falimentimit dhe tre viteve të kaluara mes amatorëve dhe Ligës Pro.

Palermo fitoi 1-0 me Padovën në një “Renzo Barbera” si në mbrëmjet e dikurshme, ku ishin të pranishëm 35 mijë tifozë të zjarrtë. Djemtë e Silvio Baldinit mposhtën për herë të dytë me të njëjtin rezultat ekipin e Padovës.

 

Golin e fitores e realizoi Matteo Brunori, i cili është në pronësi të Juventusit. 27-vjeçari u martua të premten, ndërkohë që të dielën festoi golin, fitoren dhe kalimin e Palermos një kategori më lart.

 

Në stolin e Palermos ishte edhe Masimiliano Doda, anësori i djathtë 21-vjeçar, pjesë e Shqipërisë U21. Ndeshja u karakterizua nga një atmosferë e shkëlqyer.

 

Tifozët mbështetën fuqimisht ekipin e zemrës dhe në fund festuan gjatë me heronjtë e tyre.

Një sukses edhe për shoqërinë “City Football Group”, që zotëron disa klube futbolli, mes të cilëve edhe Manchester City.

 

10 milionë euro shpenzoi “City Football Group” për të blerë 80% të aksioneve të Palermos në muajin prill.

Objektivi i radhës është rikthimi në elitën e futbollit italian. Palermo nuk luan në Serie A prej sezonit 2016-2017.

Të Fundit

EVENTET NË SUPERSPORT

To Top
Evolve Web Agency Evolve Web Agency