Borussia Dortmund ndodhet në formë fantastike. Verdhezinjtë numërojnë vetëm fitore në vitin 2023. Skuadra e Terziç po përballet në “Signal Iduna Park” përballë Hertha Berlin, takim që po transmetohet në SuperSport 3.
Karim Adeyemi zhbllokoi takimin në minutën e 27’. 21-vjeçari mori një asist nga kapiteni Marco Reus dhe me finte dërgoi topin në rrjetë. Adeyemi nuk u ndal dhe katër minuta më vonë ishte sërish protagonist.
Adeyemi u nis nga krahu i majtë dhe dhuroi një asist për Donyell Malen. Holandezi nuk e pati të vështirë të shënonte, duke realizuar golin e qetësisë për Dortmundit.
Me fitoren e sotme, Dortmundi ngjitet në krye të renditjes së Bundesligës bashkë me Bayern Munchen dhe Union Berlin me nga 43 pikë.
