AF Elbasani-Pogradeci u përballën këtë të dielë për raundin e 13-të për Grupin B të Kategorisë së Dytë.
Kjo sfidë u mbyll me barazimin 1-1, ndërsa ishin vendasit ata që zhbllokuan sfidën, duke realizuar me Gava-n, që shënoi nga pika e bardhë e penalltisë në minutën e 18’.
Pogradeci tentoi në disa raste të reagonte, ndërsa ia doli të gjente barazimin me Shkulakun në minutën e 60’, duke dalë me 1 pikë nga “Elbasan Arena”.
Lexo edhe:
- FOTO/ Protesta e Atletico Madrid: Shihni këmbën e “agresorit” tonë
- “Tallet me kundërshtarët”/ Super Mehmeti në Championship, të martën live në SuperSport
- VIDEO/ Muriqi realizon një perlë të vërtetë, por Mallorca ngec ndaj Espanyol
- “Nuk më njihnin as në qytetin tim”, mesfushori: Messi shkëlqen edhe në Angli, jam i mërzitshëm
Këtë sezon, AF Elbasani dhe Pogradeci janë dy pretendetët kryesorë për t’u ngjitur në Kategorinë e Parë teksa pas 13 ndeshjes të luajtura janë në kuotë të barabartë pikësh, 33.
Ajo që spikati në këtë përballje ishin mbështetësit e vendasve që “sfiduan” edhe Superligën, duke mbushur “Elbasan Arena-n” në mbështetje të ekipit të tyre.
