Connect with us

Hi, what are you looking for?

Katar 2022

VIDEO/ Anglia fiton, argëtohet dhe ruan energjitë! Në çerekfinale ndaj kampionëve

Anglia fitoi lehtësisht 3-0 ndaj Senegalit dhe siguroi kualifikimin në çerekfinalet e Katar 2022, raund në të cilin do të sfidojë Francën për një biletë mes katër kombëtareve më të mira në Botëror.

Djemtë e Gareth Southgate e nisën ndeshjen me ritëm të ulët, kampionët e Afrikës patën iniciativën në minutat e para, por fundi i fraksionit të parë të ndeshjes solli dy gola të anglezëve.

Në fillim ishte Jordan Henderson që zhbllokoi rezultatin pas një asisti të bukur nga Jude Bellingham, ndërsa në minutat shtesë erdhi edhe zhbllokimi i kapitenit Harry Kane. Sulmuesi mori një asist nga Phil Foden dhe nisi festën me shokët e skuadrës.

Anglia realizoi edhe golin e tretë në minutën e 57’. Sërish asist i Foden dhe gol i Bukayo Saka. Talenti i Arsenalit u ngjit në kuotën e 3 golave në Botërorin e Katarit. Ndeshja nuk pati më histori dhe u mbyll me festën e “Tre Luanëve”, të cilët i pret beteja e zjarrtë ndaj kampionëve në fuqi të Francës.

Kupa e Botës
Katar 2022
Raundi i 1/8-ve

ANGLI-SENEGAL 3-0 (Henderson 39′, Kane 45+3′, Saka 57′)

Kronika e ndeshjes:

 57′ Gooooooooool! Anglia realizon golin e tretë, asisti i dytë për Foden, goli i Saka, i cili realizon golin e tretë në Katar 2022. 

 

 56′ Gjuajtje e befasishme e Harry Kane, ndalon në dy kohë portieri Edoardo Mendy.

 

 54′ Anglia në kërkim të golit të tretë, por Bukayo Saka gjuan keq.

 

 45+3′ Anglia shfrytëzon momentin e mirë dhe realizon golin e dytë. Kundërsulm i shpejtë, asist i Phil Foden dhe gol i Harry Kane, i cili gjen golin e parë në Katar 2022. 

 

 39′ Goooooooooool! Anglia në avantazh në gjuajtjen e parë në kuadrat. Aksion i bukur i “Tre Luanëve”, asist i Jude Bellingham dhe finalizim i Jordan Henderson. Kapiteni i Liverpoolit realizon golin e tretë me Kombëtaren.

 

 32′  Boulaye Dia pranë golit, por Jordan Pickford realizon një pritje të bukur, duke mbajtur të paprekur portën e tij.

 

 23′ Senegali pranë golit, por devijimi i Ismaila Sarr përfundon jashtë. Sulmuesi i Watford pretendon për penallti, arbitri vijon lojën.

 

Anglia dhe Senegali nuk janë ndeshur kurrë më parë, por sonte do të përballen mes tyre në “Al Bayt Stadium” për një biletë në çerekfinalet e Kupës së Botës, aty ku i pret Franca. “4-1-2-3” është rreshtimi i “Tre Luanëve”, ndërkohë që kampionët e Afrikës përgjigjen me skemën “4-4-1-1”. Gareth Southgate i ka dhënë një fanellë titullari Phil Foden, yllit të Manchester City.

22-vjeçari shënoi golin e parë në një Botëror në triumfin 3-0 ndaj Uellsit dhe sonte do të formojë treshen ofensive me kapitenit Harry Kane dhe Bukayo Saka. Mungon ndërkohë Raheem Sterling, i cili nuk ndodhet as në stol si pasojë e disa problemeve familjare. Konfirmohet titullar edhe Jordan Henderson, kapiteni i Liverpoolit, i cili e nisi nga minuta e parë duelin ndaj Uellsit.

Dy ndryshime ka bërë Aliou Cisse në formacionin titullar krahasuar me ndeshjen e fituar 2-1 ndaj Ekuadorit, i ndikuar edhe mungesa e Idrissa Gueye (i pezulluar me kartonë). Trajneri afrikan ka ulur në stol Pape Gueye të Marseille dhe u ka dhuruar nga një fanellë titullari Krepin Diatta, 23-vjeçarit të Monacos, dhe Nampalys Mendy, mesfushorit që aktivizohet në Premier League me Leicester City.

FORMACIONET ZYRTARE

Lajme të tjera

Legjionarët

Moment i vështirë për Armando Brojën. Sulmuesi shqiptar mori ftesë nga Sylvinho për t’u grumbulluar me kuqezinjtë për miqësoret e muajit mars, por pavarësisht...

Kombëtare

Sulmi është reparti që i ka shtuar më së shumti telashet trajnerit Sylvinho në prag të Euroianit të Gjermanisë, pasi thuajse të gjithë futbollistët...

Kombëtare

Sylvinho publikoi sot listën e lojtarëve që do të përfaqësojnë kombëtaren shqiptare në dy miqësoret përballë Kilit dhe Suedisë. Të programuara për datat 22...

Legjionarët

Ernest Muçi ka shënuar golin e dytë me fanellën e Besiktas. Sulmuesi kuqezi shndërroi në gol një pasim të Milot Rashicës, i cili shërbeu...